Mnistria e Shëndetësisë ka njoftuar se në Kosovë janë 10.830 raste aktive me COVID-19.
Duke u bazuar në të dhënat e Institutit Kombëtar të Shëndetit Publik vetëm në 24 orët e fundit janë konfirmuar 1.853 raste pozitive.
Kurse, janë konfirmuar tre raste të vdekjes si dhe janë shëruar 840 persona.
Ndërsa, gjatë këtij 24 orëshi janë dhënë 127 doza të vaksinës, ndërsa që nga fillimi i pandemisë janë dhënë afër 2 milionë doza vaksine kundër COVID-19.
MSH-ja ka rekomanduar që të gjithë personat mbi moshën 12 vjeçare të vaksinohen me doza përforcuese, ndërsa personat mbi moshën 60 vjet mund të vaksinohen edhe me dozën e katër të vaksinës.
Vaksina anti-COVID’19
Po ashtu, me qëllim të mbrojtjes së nënës dhe fëmijës, MSH-ja rekomandon vaksinimin edhe të grave shtatzëna.
Kurse, IKSHPK-ja ka rekomanduar qytetarët që të mbajnë maskat në ambiente të mbyllura./Insajderi.com
