![Mbi tetë mijë raste aktive me COVID-19 në Kosovë](https://insajderi.com/wp-content/uploads/2022/08/covid-cells-2048x1152-2-730x440.jpg)
Ministria e Shëndetësisë ka njoftuar se në Kosovë janë 8.004 raste aktive me COVID-19.
Duke u bazuar në të dhënat e Institutit Kombëtar të Shëndetit Publik vetëm në 24 orët e fundit janë konfirmuar 1.197 raste pozitive.
Kurse, janë shëruar 1.030 persona.
Ndërsa, gjatë këtij 24 orëshi nuk është dhënë asnjë dozë e vaksinës, ndërsa që nga fillimi i pandemisë janë dhënë afër 2 milionë doza vaksine kundër COVID-19.
![](https://shqip.com/app/uploads/2021/12/pcr-covid-test-travel-europe-1.jpg)
MSH-ja ka rekomanduar që të gjithë personat mbi moshën 12 vjeçare të vaksinohen me doza përforcuese, ndërsa personat mbi moshën 60 vjet mund të vaksinohen edhe me dozën e katër të vaksinës.
Po ashtu, me qëllim të mbrojtjes së nënës dhe fëmijës, MSH-ja rekomandon vaksinimin edhe të grave shtatzëna.
Kurse, IKSHPK-ja ka rekomanduar qytetarët që të mbajnë maskat në ambiente të mbyllura./Insajderi.com