Shoqata “Miqtë e Amerikës” ka organizuar një aktivitet në nder të pjesëtarëve të Policisë së Kosovës, të cilët humbën betejën me pandeminë COVID-19, njofton Insajderi.
Ky organizim ku do të ndizen qirinj në nderim të policëve që vdiqën nga infektimi me Coronavirus, do të zhvillohet nesër para Teatrit Kombëtar nga ora 14:00 dhe do të zgjasë 20 minuta.
Siç bëjnë të ditur me anë të një njoftimi nga kjo organizatë, arsyeja e zhvillimit të këtij aktiviteti është falënderimi për pjesëtarët e PK-së që pavarësisht rrezikut që iu kanoset, janë çdo herë në krye të detyrës.
“Arsye tjetër është se gjatë këtyre 16 viteve aktivitet të shoqatës ‘Miqtë e Amerikës’, çdo herë e kemi pas përkrahjen e parezervë që nga drejtori i Policisë e deri tek polici në trafik apo stafi civil”, thuhet në kumtesën e shoqatës.
Njoftimi i plotë:
Media të nderuara,
Ju ftojmë që ta përcjellni eventin e radhës së shoqatës “Miqtë e Amerikës”, “Nderim policëve e stafit civil që kanë vdekur si pasojë e pandemisë Covid-19”.
Gjatë këtij viti kemi bërë veprime falenderuese edhe ndaj përkrahësve tjerë të aktiviteteve tona; zjarrfikësave e personelit mjekesor.
Arsyeja e zhvillimit të aktiviteti, është falenderim për pjestarët e Policisë së Kosovës që pavarësisht rrezikun ata çdo herë janë në krye të detyrës.
Arsye tjetër është se gjatë këtyre 16 viteve aktivitet të shoqatës “Miqtë e Amerikës”, çdo herë e kemi pas përkrahjen e parezervë që nga drejtori i Policisë e deri tek polici në trafik apo stafi civil.
Forma e organizimit të aktivitetit:
Do ketë rollapa me foto të policëve të vdekur e stafit civil (9 sish), dhe do ndezen qirinjë nga drejtori i Policisë së Kosovës z. Rashit Qalaj, kryetari i shoqatës “Miqtë e Amerikës” Agim Rexhepi e disa aktivistë.
Data e organizimit: 04.09.2020 (E premte).
Vendi: Para Teatrit Kombëtar
Ora: 14:00 deri 14:20
P.S. I lusim aktivistët e qytetarët që për shkak të Pandemisë mos të grumbullohen afër apo të vinë në event, ngase kemi marr leje nga institucionet relevante shtetërore që aktiviteti të zhvillohet me vetem pesë (5) persona. /Insajderi.com
