Jetlir Zyberaj, këshilltari i Behgjet Pacolli, shpreson që AKR me partitë tjera në koalicion do të kenë përfaqësuesit e tyre në Kuvend pas rinumërimit të votave në disa vendvotime.
Nisma-AKR tashmë është një hap para pragut prej 5%.
“Megjithë deformimin e vullnetit të popullit të Kosovës nga komisionerët e pistë(siç i quajti kryetarja e KQZ) gjatë zgjedhjeve parlamentare të 6 tetorit, AKR me partitë tjera në koalicion do të përfaqësohet në Parlamentin e Kosovës”, ka thënë Zyberaj, shkruan Insajderi.
“Ky është një lajm i shkëlqyeshëm për demokracinë e Kosovës pasi vullneti i popullit nuk mund të ndryshohet”.
“Askush nuk duhet të ketë frikë nga ri-numerimi i kutive të votimit, vetëm ata që abuzuan me pozicionet e tyre dhe u përpoqën të ndryshojnë vullnetin e popullit”.
“Është një sinjal i fuqishëm që demokracia jonë nuk mund dhe nuk do të pranojë abuzimin e vullnetit të elektoratit”./GazetaInsajderi/
