Zëdhënësi i Ministrisë së Shëndetësisë, Faik Hoti ka treguar se sot në Klinikën Infektive janë duke u trajtuar 37 pacientë të prekur nga koronavirusi.
Prejt tyre 32 janë në gjendje stabile, ndërsa 5 kanë nevojë për oksigjenoterapi, përcjell Insajderi.
Hoti, përmes një postimi në profilin e tij në Facebook, ka shkruar se Klinika është në pritje të rezultateve për tetë raste të tjera të cilat do të testohen.
Postimi i tij i plotë:
Në Klinikën Infektive të QKUK_së, sot më 30 mars 2020 janë duke u trajtuar 37 pacientë të prekur nga Covid-19.
- 32 të sëmurë janë në gjendje stabile;
- 5 prej tyre kanë nevojë për oksigjenoterapi, njëri prej të cilëve është duke u trajtuar në Kujdesin Intensiv të Klinikës Infektive.
Klinika është në pritje të rezultateve për 8 raste të tjera të cilat do të testohen.
Sa i përket stafit të Klinikës Infektive, përpos infermieres së infektuar me Covid19 dhe e cila është në gjendje të përmirësuar dhe e vetizoluar në shtëpi, të gjithë janë në gjendje të mirë shëndetësore dhe disa prej tyre janë testuar për Covid 19 dhe që të gjithë kanë rezultuar negativ.
(Burimi i raportit: Klinika Infektive QKUK, raporti i hartuar nga Dr. Sadije Namani)./Insajderi.com
