Ish-lideri i VV-së, Visar Ymeri ka folur edhe njëherë për arsyet e largimit nga kjo parti.Deputeti i GDP-së, Ymeri ka thënë se në atë parti ku militantët nënshtrohen ndaj besnikërisë për një figurë, nuk ka vend për persona demokratik.
Ai në emisionin “Debat Plus” me Fidan Ramën në Tv Dukagjini, ka thënë se kjo ka qenë diçka e patejkalueshme për ta, andaj edhe ka ndodh ndarja.Ish lideri, e ka krahasuar ish partinë e tij, me të gjitha partitë tjera në Kosovë, me të cilat edhe e kishin “luftën”, sa ishin brenda kësaj partie.
Ymeri ka thënë se tashmë Lëvizje Vetëvendosje është një parti si gjithë të tjerat në Kosovë, që lidhen e udhëheqin vetëm nga një njeri.
Sipas tij, ai dhe pjesa tjetër e të larguarve, dhanë krejt çka mundën për ta evituar këtë që ndodhi, mirëpo, sipas tij nuk kishte më asnjë shpresë.
Me dorëheqjen e tij, Ymeri ka thënë se ka dashur që të jap mesazh sensibilizues edhe tek të gjithë anëtarët e tjerë të VV-së, që ta kuptojnë se çka po ndodh në këtë parti.
