Presidenti i Shqipërisë, Ilir Meta, ka reaguar pas lajmit për ndarjen nga jeta të deputetit nga Partia Socialiste, Bashkim Fino, njofton Insajderi.
Nëpërmjet një postimi në Facebook, Meta thotë se kjo ngjarje i ka tronditur të gjithë.
Ai i shpreh ngushëllime familjes dhe thotë se dhimbja për ndarjen nga jeta të Finos i ka lënë të gjithë pa fjalë.
“Ndarja e papritur nga jeta e mikut, kolegut, politikanit të moderuar dhe e Kryeministrit të Pajtimit Kombëtar në vitin e vështirë 1997, qytetarit aktiv e familjarit shembullor, Bashkim Fino, na ka tronditur të gjithëve këtë mëngjes. Dhembje e madhe, që na ka lënë pa fjalë! Ngushëllimet më të ndjera, të prehet në paqe dhe përherë i paharruar në kujtimet tona”, shkruan Meta. /Insajderi.com
