Zëvendësministri i Financave, Agim Krasniqi, ka njoftuar se sot janë ekzekutuar nga Thesari i Shtetit edhe pagesat masive për rimëkëmbjen ekonomike, njofton Insajderi.
Krasniqi thotë se ndër to hyjnë edhe “pagesat e kthyera apo ripagesa dhe pagesat e rregullta”.
“Ju njoftoj se pas përditësimit te fundit te informatave nga ju ne ATK, sot kemi ekzekutuar nga thesari i shtetit, pagesa masive për rimëkëmbjen ekonomike si ne vijim: Ri pagesa (pagesa te kthyera ) kemi ekzekutuar gjithsej 1114 pagesa me shume totale 867,864.49€. Pagesa te rregullta (hera e pare) kemi ekzekutuar gjithsej 199 pagesa me shume totale 116,604.62€. Ne total 1313 pagesa me shumë totale 984,469.1€”, shkruan Krasniqi në një postim në Facebook.
Zv.ministri njoftoi se për shkak të informatave të gabuara që bizneset i kanë pasur në ATK, këto mjete nuk janë ekzekutuar më herët.
“Shume qytetarë po me pyesin për ekzekutim të pagesave nga programi për rimëkëmbje ekonomike e të cilat pagesa për shkaqe te informatave te gabuara nuk janë ekzekutuar”, shkruan Krasniqi. /Insajderi.com
