Deputeti i Kuvendit të Kosovës Milaim Zeka, i cili vie nga radhët e Nismës Socialdemokrate ka bërë të ditur se ka pranuar kërcënime nga shtetas serbë, persona të panjohur për të.
Kështu lënë të kuptojnë edhe mesazhet që deputeti Milaim Zeka ka marr sot nga përdoruesi i facebook me emrin Milovan Ivaniseviq.
”Ti q** krejt çka i ke të gjallë dhe të vdekur. Kallxom o p** ku të vijë vetëm më trego vendin”, i është thënë deputetit Zeka në mesazhin e parë.
Ndërsa më pas ai ka pranuar edhe një mesazh tjetër kërcënues nga një serb tjetër i cili sipas të dhënave të tij në Facebook, ai është nga Beogradi.
”Po e shoh që ju keni folur shumë për serbët dhe supozojë që dhe ju keni votuar pro transformimit të Forcës së Sigurisë së Kosovës në Ushtri të Kosovës. Mos luani me ne! Nëse ju hyni në Veri ne do të kthehemi në Kaçanik e Prizren… ”, thuhet në mesazhin të cilin Milaim Zeka e ka pranuar në llogarinë e tij në facebook
Në lidhje me këto kërcënime, Deputeti Milaim Zeka ka folur për Klanin, por ai nuk komentuar asgjë rreth personave të cilët kanë shkruar në adresë të tij.
”Asnjë koment për ta. Janë organet e sigurisë që duhet me u marrë me këtë punë” ka thënë Zeka.
E gjithë kjo ndodhi pasi deputeti Milaim Zeka pati një reagim në Facebook, në lidhje me sulmin në Istog ndaj pelegrinëve serbë.
Ndryshe, gjatë ditës, sot Kryetari i Mitrovicës, Agim Bahtiri ka bërë të ditur se është kërcënuar pikërisht nga serbët. Sipas tij, ky kërcënim i erdhi për shkak të Urës së Ibrit.
Insajderi ka raportuar vitin e kaluar për mashtrimin që deputeti Zeka ua kishte bërë mbi 900 kosovarëve me viza pune për Gjermani.
