Ministria e Infrastrukturës dhe Transportit, të mërkurën ka bërë lansimin e fushatës “10 Rregullat e Arta të Sigurisë Rrugore”, si vazhdimësi e aktiviteteve drejt sensibilizimit të pjesëmarrësve në komunikacion për qarkullim të sigurt.
Zëvendësministri Idriz Selimaj, i cili bëri edhe hapjen e kësaj fushate në pikën kufitare në Merdare, tha se me anë të kësaj fushate, ministria ka për synim uljen e numrit të aksidenteve, veçanërisht gjatë sezonës së verës, ku edhe rritet numri i përgjithëm i mjeteve qarkulluese.
Broshura që rikujton disa nga shkeljet që rrëzikojnë jetën e pjesëmarrësve në trafik, është shpërndarë te vozitësit që kanë qarkulluar përmes pikës kufitare Kosovë – Serbi, ndërsa do të vazhdojë të shpërndahet edhe në pikat kufitare të tjera.
Iniciativa e sotme është bashkëpunim i MIT-së dhe Policisë së Kosovës.
