Ministria e Shëndetësisë, ka njoftuar se të gjitha vaksinat kundër COVID-19 janë me afat, përcjell Insajderi.
Deputeti i Partisë Demokratike të Kosovës, Bekim Haxhiu, kishte thënë se “vaksinat e ardhura nga Norvegjia nuk kanë afat”.
Por, pretendimet e këtilla, nga MSH cilësohen si “dezinformata.
“Dezinformatat lidhur me afatin e përdorimit për vaksinat e pranuara nga Mbretëria e Norvegjisë, të bëra nga individë të ndryshëm, përveç që shkaktojnë pasiguri tek qytetarët në këtë kohë kur vaksinimi kundër COVID-19 ka fituar një dinamikë intensive, flasin edhe për mungesën e respektit ndaj donatorit – shtetit të Norvegjisë”, thuhet në njoftim.
Po ashtu theksohet fakti se Kosova është ndër vendet e radha që nuk ka pranuar vaksina të pa aprovuara nga Organizata Botërore e Shëndetësisë. /Insajderi.com
