Gjatë ditës së sotme janë raportuar mesazhe në të cilat thuhet se “nuk jeni përfitues të 130 eurove”, derisa tek disa përfitues të tjerë kanë arritur dy mesazhe nga i njejti numër, duke thënë se pos muajit maj, janë “përfitues” edhe për muajin qershor.
Për këtë ministrja e Financave, Hykmete Bajrami, ka dhënë sqarim duke thënë se ka ndodhur një gabim teknik nga Ministria e Mirëqenies Sociale.
“Sot, disa qytetarë të Republikës së Kosovës kanë pranuar GABIMISHT një mesazh se janë përfitues të masës 15. Ky GABIM ka ndodhur pasi Ministria e Punës dhe Mirëqenies Sociale, përgjegjëse për masën 15 të Pakos Emergjente, ka dërguar listën jo të SAKTË në Ministrinë e Financave. Pasi janë dërguar mesazhet telefonike, Ministria e Punës dhe Mirëqenies Sociale na ka njoftuar se ka dërguar listën e gabuar. Menjëherë është përmirësuar ky gabim dhe secilit qytetar i është dërguar edhe mesazhi sqaruar dhe kërkim falja”, ka thënë ajo.
Ajo ka thënë se këto gabime do të eliminohen dhe do të vazhdohet pagesa në të gjitha pikat.
“Gabimet e tilla do t’i eliminojmë dhe do të vazhdojmë pagesën për të gjitha pikat e Pakos Emergjente”, ka thënë Bajrami. /Insajderi.com/
Postimi i plotë:
