Kryetari i Partisë Socialdemokrate, Dardan Molliqaj, ka dalë me një reagim publik pasi është liruar nga Policia e Kosovës e cila e kishte arrestuar të martën, gjatë një aksioni të kësaj partie për të ndërprerë konferencën e kryetares së Gjykatës Speciale, Ekaterina Trendafilova.
Derisa ndërprenë konferencën e Trendafilovës, aktivistët e PSD-së thanë se “nuk mund ta lejojmë që të kalojë në qetësi konferenca e një përfaqësuese të një gjykate të padrejtë”.
Për këtë, i pari i PSD-së thotë se “mbrojtja e UÇK-së është detyrë e kohës”.
“Kur nuk e mbron UÇK-në, tashmë je rreshtuar. Ke marrë pozicion, kundër UÇK-së. Prandaj i arreston ata që e mbrojnë. Prandaj i mbron, i ngritë lartë, e u jep pozita atyre që e luftojnë”, ka shkruar ndër të tjera ai./Insajderi.com
