Ministria e Punëve të Jashtme dhe Diasporës ka demantuar lajmin se një zyrtar rus i cili është shpallur person “non-grata”, është në Kosovë, përcjell Insajderi.com.
Përmes një komunikate, MPJD ka deklaruar se personi që është paraqitur në media nuk është asnjëri nga zyrtarët e Zyrës Ndërlidhëse të Federatës Ruse në Kosovë.
Zyrtari rus që u raportua se është në Kosovë.
Personi që është ekspozuar në media nuk është asnjëri nga zyrtarët e Zyrës Ndërlidhëse të Federatës Ruse në Kosovë, të cilët u shpallën persona non-grata ditë më parë nga MPJD-ja. MPJD, është në favor të informimit të drejt dhe të saktë dhe është e përkushtuar për të shmangur keqinformimin e audiences”, thuhet në njoftimin e Ministrisë.
Ndërkaq, lajmin se një zyrtar rus “non-grata” po qëndron në Prishtinë e ka mohuar edhe Policia e Kosovës duke thënë se personi i paraqitur në foto, është një punonjës në zyrën ruse në Kosovë.
Ndryshe, më 22 tetor, presidentja, Vjosa Osmani, ka njoftuar se dy zyrtarë të Zyrës Ndërlidhëse të Federatës ruse në Kosovë janë shpallur persona non-grata (të padëshiruar)./Insajderi.com
