Ministria e Shëndetësisë, ka njoftuar se nga 20 nëntori do të jenë në fuqi masat e reja për komunat e Kosovës, sipas kategorizimit të ri lidhur me numrin e të infektuarve në 100 mijë banorë.
Në zonën e kuqe bëjnë pjesë komunat me rrezik të lartë me mbi 151 të infektuar në 100 mijë banorë brenda javës.
“Në këtë zonë janë 18 komuna: Prishtina, Fushë-Kosova, Gjilani, Obiliqi, Gjakova, Shtimja, Podujeva, Peja, Ferizaj, Mitrovica e Jugut, Vushtrria, Lipjani, Vitia, Zveçani, Leposaviqi, Zubin Potoku, Mitrovica e Veriut dhe Kamenica”, thuhet në kumtesën e kësaj ministrie.
Në zonën e verdhë bëjnë pjesë komunat me rrezik të mesëm, prej 76 deri në 150 të infektuar në 100 mijë banorë brenda shtatë ditëve.
“Në këtë zona janë 14 komuna: Prizreni, Klina, Deçani, Drenasi, Malishevë, Suhareka, Novobërda, Graçanica, Ranillugu, Parteshi, Kaçaniku, Kllokoti, Rahoveci dhe Skenderaj”.
Në zonën e gjelbër bëjnë pjesë komunat me rrezik të ulët apo komunat prej 1 deri në 75 të infektuar në 100.000 banorë brenda një jave.
“Në këtë zonë bëjnë pjesë 6 komuna: Mamusha, Dragashi, Shtërpca, Juniku, Istogu dhe Hani i Elezit”. /Insajderi.com
