Ministria e Tregtisë dhe Industrisë, ka dorëzuar në qeveri një raport, duke dhënë arsyetimin pse Kosova duhet t’i ndalojë importin e pemëve dhe perimeve, që vijnë nga vendet tjera në Kosovë.
Sipas arsyetimit të MTI-së, Kosova po vazhdon rritje të importit të këtyre produkteve, gjë që iu ka shkaktuar dëme të mëdha prodhuesve vendorë.
Sipas tyre, importi i pemëve dhe perimeve ka pasur një rritje shumë të mëdha, gjatë viteve 2015-2017, duke vazhduar një dyfishim edhe gjatë këtij viti.
MTI ka publikuar rritjen nëpër vite të importit të pemëve dhe perimeve nga vendet e tjera, gjë që shihet qartë një rritje e madhe e tyre.
76 milionë pemë dhe perime janë importuar në Kosovë, vetëm në gjashtë mujorin e parë të këtij viti.
MTI ka rekomanduar që të vazhdojë të jetë në fuqi vendimi që ndalon importin e pemëve dhe perimeve në Kosovë, duke thënë se kjo masë do të zbuste ndikimin negativ tek prodhuesit vendorë./Insajderi.com
