Anëtari i kryesisë së LDK-së Gazmend Muhaxheri ka treguar rreth hapave që LDK do t’i marrë, pasi partia e tij nuk po pranojnë se Shpend Ahmeti ka fituar pa manipulime të votave, edhe pasi Gjykata Supreme hodhi poshtë vendimin për rinumërim të votave në kryeqytet.
I ftuar në Express, Gazmend Muhaxheri ka treguar se sot LDK merr vendim nëse do ta çojnë në Gjykatën Kushtetuese ankesën për anulim të rinumërimit.
Muhaxheri shprehet i bindur se LDK beson se i janë bërë manipulime me votat në Prishtinë, ndërsa thotë se rezultati do të ndryshonte.
Anëtari i kryesisë së LDK-së thotë se Vetëvendosje nuk duhet t’i frikësohet rinumërimit, nëse kjo është e pastër dhe se kandidati i tyre, Arban Abrashi ka të drejtën për të kërkuar rinumërimin e votave.
