Ka dështuar të mbahet seanca ndaj aktivistëve të Lëvizjes Vetëvendosje për sulm ndaj Kuvendit të Kosovës, njofton Insajderi.
Kjo si pasojë e mungesës së prokurorit, gjë që është cilësuar si e papranueshme nga ky subjekt politik.
Anëtarja e kryesisë së Lëvizjes Vetëvendosje, Albulena Haxhiu, e cila ishte e pranishme në seancë, tha se mungesa e prokurorit është e papranueshme ngase ai është dashur që të jetë prezentë e të ballafaqohet me aktakuzën, raporton EO.
“Në këtë seancë ndonëse gjyqtari fillimisht tha që prokuroi ishte njoftuar në mënyrë të rregullt dhe prokurori nuk ishte i pranishëm. Kjo është e papranueshme sepse nëse prokurori është ftuar atëherë është dashur të jetë i pranishëm dhe të ballafaqohet me aktakuzën që e ka para vetes”, tha ajo. /Insajderi.com