Nënkryetarja e Kuvendit të Kosovës, Arbërie Nagavci, që vjen nga radhët e Lëvizjes Vetëvendosje, ka thënë se Ministria e Arsimit dhe Shkencës, nuk ka bërë asnjë plan të qartë për fillimin e vitit të ri akademik, njofton Insajderi.
Në seancën e sotme plenare që ka filluar nga ora 11:00, është thirrur në interpelancë ministri i MASH, Ramë Likaj.
“Ndonëse është thënë për angazhimin e 1 mijë mësimdhënëseve që do të jenë të gatshëm të punojnë në rast nevoje akoma nuk ka asgjë konkrete dhe një numër i konsiderueshëm i mësimdhënësve me probleme kronike, me probleme të ndryshe shëndetësore janë të obliguar që në rrethana të mos humbjes së punës dhe përgjegjësive janë të detyruar të rrezikojë në veten dhe të dalin në shkolla. ministria nuk ka një plan të qartë se si do të filloj viti i ri akademik, si do të bëhet aplikimi nëpër fakultetet apo në çfarë forme do të mbahet provimi pranues, apo nuk dot ë bëhet…cili është plani për fillimin e vitit të ri akademik dhe ndonëse nuk ka shumë opsione. Secili është planifikimi i ministrisë, cili është buxheti që është ndarë dhe cilat janë përgatitjet që po bëhen sepse jemi dëshmitarë që ato akoma nuk po bëhen”, tha Nagavci.
Ajo po ashtu kërkoi nga MASH që të shqyrtojnë kërkesës që studentët të lirohen nga pagesat.
“Shqetësuese është edhe pse nuk po hapen biblioteka. Çfarë kuptimi ka të mbahen të hapura kafiterit. Çështjet tjetër është edhe që ministria duhet të ketë parasysh është edhe shqyrtimi i kërkesave të studentëve nga lirimi nga pagesat dhe tarifave për studime. Cilat planifikimet e ministrisë edhe sa i përket hapjes së konvikteve dhe menzës”, theksoi Nagavci. /Insajderi.com
