Komisioni për Arsim, Shkencë, Teknologji, Inovacion, Kulturë, Rini dhe Sport, pritet të mblidhet gjatë paradites së kësaj të marte, njofton Insajderi.
Para deputetëve të këtij komisioni do të raportojë Ministrja e Arsimit, Arbërie Nagavci.
Në këtë komision do të shqyrtohet projektligji për Ratifikimin e Marrëveshjes së bashkëpunimit ndërmjet MAShTI-it dhe Agjencisë Austriake për Zhvillim për zbatimin e projektit “Hulumtimi dhe Shkencat e Aplikuara në Arsimin e Lartë +(HERAS +)” (ADA numri referues 8116-00-2020).
Gjithashtu pritet të formohet grupi punues për mbikëqyrjen e zbatimit të Ligjit për tekstet shkollore dhe dokumentacionit pedagogjik. /Insajderi.com
