Naim Qelaj e ka pranuar zyrtarisht detyrën si Avokat i Popullit.
Në një ceremoni të organizuar detyrën ia dorëzoi Hilmi Jashari i cili e mbante detyrën deri më sot.
Qelaj ka thënë disa fjalë për punën e deri tashme të Hilmi Jasharit në zyrën e Avokatit të Popullit.
“Është kënaqësi të marr detyrën nga ju. Keni bërë një punë të mrekullueshme, është për t’u admiruar politikat që i keni instaluar brenda institucionit”, tha Qelaj.
Avokati i Popullit është i pavarur në ushtrimin e detyrave dhe nuk pranon udhëzime ose ndërhyrje nga organet, institucionet ose nga autoritetet e tjera, të cilat ushtrojnë pushtet në Republikën e Kosovës. Si institucion i pavarur, udhëhiqet nga parimet e paanësisë, pavarësisë, epërsisë së të drejtave të njeriut, konfidencialitetit dhe profesionalizmit. /Insajderi.com
