NATO-ja është zotuar për implementimin e marrëveshjes që u nënshkrua të enjten në Bruksel mes Kosovës dhe Serbisë lidhur me targat e veturave.
Në një komunikatë për media, zëdhënësja e NATO-s, Oana Lungescu, ka thënë se e mirëpresin marrëveshjen mes dy palëve teksa ka shtuar se KFOR-i do të luajë rol kyç në zbatimin e saj.
Po ashtu, ka bërë të ditur se sekretari i përgjithshëm i NATO-s, Jens Stoltenberg, do të presë në takim të premten emisarin e posaçëm të Bashkimit Evropian për dialogun Kosovë-Serbi, Miroslav Lajçak.
Miroslav Lajçak dhe Jens Stoltenberg
Sipas marrëveshjes së arritur në Bruksel, forcat e njësisë speciale të Policisë së Kosovës të vendosura në Jarinjë e Bërnjak, do të largohen njëkohësisht me bllokadat në rrugë të vendosura nga serbët që kundërshtuan reciprocitetin për targat, ndërsa aty do të vendoset KFOR-i.
