Shifra jashtëzakonisht shqetësuese janë duke u publikuar nga Instituti Kombëtar i Shëndetësisë. Për të tretën ditë me radhë, numri i të infektuarve është mbi 200 sosh.
Florida llogaritet si epiqendra e Covid 19 në gjithë botën. Ishte vetë shteti i Florida’s që ka dhënë alarmin se numri i atyre që kanë dalë pozitivë është në përmasa alarmante. 35.5% e të testuarëve kanë dalë pozitivë.
Por, në Kosovë kemi shifra akoma më alarmante.
Sonte nga 388 testime, 205 kanë rezultuar pozitivë, që nënkupton se 53% e të testuarve, kanë rezultuar të jenë infektuar me COVID-19, statistikë kjo shumë më shqetësuese se ajo e Florida’s, raporton Insajderi.
Deri më tani në Kosovë kemi 4512 raste me COVID-19 dhe 97 vdekje, shifra këto shumë të mëdha, krahasuar numrin e banorëve në Kosovë./Insajderi.com
