Pas rezultateve të dala nga Instituti Kombëtar i Shëndetësisë Publike, ku rezultuan 79 persona me koronavirus, kanë ardhur thirrjet e sërishme që të mos dilet jashtë dhe të mbajnë distancën, shkruan Insajderi.
Drejtori për media i Ministrisë së Shëndetësisë, Faik Hoti, ka thënë se mund të mbijetohet vetëm nëse “vdes” rruga, lagja, fshati e qyteti.
Ai u ka bërë ftesë të gjithë qytetarëve që të furnizohen me ushqim për një ose dy javë dhe të qëndrojnë brenda mos të dalin pa nevojë.
Postimi i plotë i Hotit:
Ne mbijetojmë nëse “vdes” rruga, lagja, fshati e qyteti.
Furnizohuni me ushqime për një ose dy javë dhe mos dilni pa nevojë çdo ditë.
Distancim total social dhe izolim.
S’ka armë më të thjeshtë e më të fortë kundër koronavirusit.
E pafalshme mos me shfrytëzue.
#RriNshpi!/Insajderi.com
