Përfaqësuesi special i Sekretarit të Përgjithshëm të OKB-së dhe Shefi i UNMIK-ut në Kosovë, Zahir Tanin, në paraqitjen e raportit tremujor për Kosovën në Kombe të Bashkuara, ka përmendur edhe vdekjen e aktivistit të Vetëvendosjes, Astrit Dehari.
“Vdekja e Astrit Deharit, aktivist i Vetëvendosjes, ka ngritur shumë brenga dhe ka shtuar indinjatë. Për veç pyetjeve që janë ngritur, duhet të zhvillohet një hetim i pavarur”, thekson raporti, raporton Kosovapress.
Në këtë raport, flitet edhe për pritjet e dështuara për ratifikimin e demarkacionin me Malin e Zi që lidhet me liberalizimin e vizave.
Në raport theksohet se dhuna politike e muajve më të hershëm është ndalur, por pikëpamjet e ndryshme të partive politike, janë po aq të ndara dhe shoqëria vazhdon të jetë e ndarë, dhe kjo sipas raportit është fatkeqësi.
Ai përmend edhe takimin e Presidentit Hashim Thaçi me familjet e të zhdukurve, ku siç thuhet në raport, kjo çështje është duke u trajtuar në mënyrë institucionale dhe jo humanitare.
“Aprovimi i Ligjit për Trepçën në mënyrë të përshpejtuar ka dal si barrierë që ka krijuar reaksione mes serbëve të Kosovë dhe Beogradit, ku si pasojë serbët e Kosovës e kanë ndal bashkëpunimin qeveritar me institucionet e Kosovës”, thuhet në raport.
Në raport flitet për gjendjen e papunësisë, për të ardhmen evropiane të Kosovës dhe rajonit.
