Shoqata e grave në luftë të kancerit të gjirit në rrafshin e Dukagjinit ka dorëzuar në Kuvendin e Kosovës peticion me 12 mijë e 649 nënshkrime ku mes tjerash kërkohet edhe hapja e degës së onkologjisë në Pejë.
Kryetarja e kësaj shoqate, Naxhije Uka -Skënderi tha se hapjes së onkologjisë në Pejë kërkojnë edhe sigurime shëndetësore, lirimi nga pagesa dhe incizimet e ndryshme.
“Kërkesat tona janë: Të hapet një degë e onkologjisë në Pejë; Të vjen së paku një herë në javë një onkolog dhe një reumatolog në degën tonë; Hormoterapia të ndahet në Pejë, për një kuti të tabletave çdo pacient duhet të presë për këtë trajtim e shumë shpesh kthehen pa to”, raporton Eo.
“Kemi pasë maltretime të panevojshme; Sigurimet shëndetësore të përfundojnë; Lirimi prej të gjitha pagesave dhe incizimeve të ndryshme që janë të nevojshme për zbulimet e hershme të kancerit”, tha ajo.
