Qendra “Gjenocidi në Kosovë – Plagë e Hapur” u ka bërë thirrje shqiptarëve kudo në botë, që në ditën e përkujtimit të viktimave të gjenocidit në Kosovë, të ndezin qirinj nëpër ballkonet e tyre, njofton Insajderi.
“Në pamundësi të organizohen tubime përkujtimore për shkak të rrethanave të krijuara nga pandemia me COVID-19, Qendra “Gjenocidi në Kosovë- Plagë e Hapur” FTON të gjithë shqiptarët, kudo qofshin në botë, që më 15 janar, në DITËN E PËRKUJTIMIT TË GJENOCIDIT NDAJ SHQIPTARËVE NË KOSOVË, në orën 20:00, të dalin në ballkone apo dritare të banesave të tyre dhe të ndezin qirinj për të kujtuar të gjitha viktimat e këtij gjenocidi!”, thuhet në komunikatën e kësaj qendre.
Tutje, në njoftim thuhet se “Përkujtimi i viktimave të kësaj tragjedie të madhe kombëtare është minimumi i asaj që duhet të bëjmë në rrugëtimin për ndëshkimin e krimit dhe ngadhënjimit të drejtësisë! Me respekt për të gjitha viktimat dhe familjarët e tyre. Qendra ‘Gjenocidi në Kosovë – Plagë e Hapur’”./Insajderi.com
