Artistja serbe, Svetlana Raznatovic e njohur në publik si ‘Ceca’ do të mbajë nesër një koncert në Mitrovicën e veriut me fillim nga ora 12:00.
Koncerti do të mbahet para konvikteve studentore në Mitrovicën e Veriut, shkruan ‘telegraf.rs’
Siç njoftojnë organizatorët në Mitrovicë, Ceca po vjen për t’i mbështetur protestat paqësore të serbëve që kundërshtojnë vendosjen e taksës prej 100 për qind mbi mallrat nga Serbia.
Ndryshe, serbët në veri të vendit që nga vendosja e taksës kanë protestuar çdo ditë.
E pyetur se a ka frikë për këtë vizitë në Kosovë pas sitautës së krijuar, Ceca ka thënë se jo.
“Të jem e frikësuar, jo nuk e pranoj”, është shprehur Ceca.
Ditë më parë në basketbollistët serb të ‘Partizanit’ nuk janë lejuar të futen në Kosovë përmes pikës kufitare në Jarinje. Ata nga Policia e Kosovës janë kthyer prapa për në Serbi dhe nuk i ka lejuar t’i bashkohen protestës kundër taksës.
Kryetari i Mitrovicës, Agim Bahtiri, kishte thënë disa herë se këngëtarja e famshme botërore, Shakira, do të vijë në Mitrovicë dhe të performojë në ceremoninë e hapjes së urës mbi Ibër dhe ura do ta mbajë emrin e saj.
