Një nënë 28-vjeçare shtetase e Shqipërisë kishte vendosur ta linte të vetme vajzën e saj 4-vjeçare në banesë në Prishtinë. Por kur ajo ishte kthyer në orët e mëngjesit nuk e kishte gjetur të gjallë.
Katër vjeçarja kishte vdekur si pasoj e zjarrit që ishte shkaktuar nga nxemja e lënë ndezur në banesë në lagjen “Ulpijana”, teksa me të nuk ishte askush.
Nëna 28-vjeçare kur ishte kthyer në banesë në orët e mëngjesit ishte vonë për ta shpëtuar vajzën e saj. Asaj i ishte përkeqësuar gjendja aq shumë sa që nuk i kishte shpëtuar plagëve të marra.
Banorët në kushte anonimiteti kanë thënë se për rastin kanë marrë vesh vetëm pasi kanë dëgjuar britmën e nënës.
“E kam fal namazin edhe gjatë qasja kohe jam përgatit për me shkuar në leximore, edhe u dal qetu dhe ka bërtit, po s’është që ka kërkuar ndihmë se nëse kish kërkuar ndihmë, dikush i kishim ndihmuar. Po e thirrke emrin e çikës së vetë”, thotë për Klan Kosovën një dëshmitare.
Ajo po ashtu tregonte përpjekjet e një banorëve për ta shpëtuar vajzën katër vjeçare.
“Ka ardhur një njeri dhe s’po e di a është gjallë, ama nëse është krejt për shkak të atij personi”, thoshte një banore e kësaj lagjeje.
Policia e Kosovës ka dërguar në mbajtje nënën 28-vjeçare./Insajderi.com
