Albin Kurti dhe Vjosa Osmani janë figura të shumë komentuara në skenën politike kosovare.
Të dytë ishin kandidatë për t’i prirë ekzekutivit në garën e zgjedhjeve të 6 tetorit. Albin Kurti si kryetar i Lëvizjes Vetëvendosje dhe Vjosa Osmani e kandiduara e LDK-së si kandidate për kryeministre.
Gara në mes tyre ishte e ngushtë, Osmani ishte më kritike ndaj Kurtit para zgjedhjeve.
Pas fushatës zgjedhore rivaliteti tyre u shndrrua në një bashkëpunim i pretenduar nga zyrtarë të LDK-së dhe subjektet tjera politike – ata besojnë qe në mes Osmanit dhe Kurtit ekziston një partneritet shumë i detajuar bashkëpunimi politik. Por, Osmani i ka mohuar këto pretendime.
Osmani ka thënë se ka përafërime me Kurtin, në të njëjtën kohë thotë se ajo po mbron premtimin elektoral që i kishte dhënë elektoratit të LDK-së; koalicion me VV-në.
Ka disa raste kur Kurti e Osmani dalin për kafe, madje ata së bashku për nder të 17 shkurtit shkuan tek varri i Ibrahim Rugovës ( vizita e parë e Kurtit) dhe tek varri i Adem Demaçit ( vizita e parë e Osmanit).
Albin Kurti dhe Vjosa Osmani u panë bashkë në një aktivitet ku u takuan me delegatët e Deklaratës Kushtetuese të 2 Korrikut.
Vjosa Osmani është e shkarkuar nga dy pozita udhëheqëse në LDK; nënkryetare dhe anëtare e Këshillit të Përgjithshëm të LDK-së, ndër shkaqet përmenden edhe mosvotimi i Qeverisë Hoti, ekzekutiv i kundërshtuar nga Lëvizja Vetëvendosje. /Insajderi.com/