Prokuroria Themelore në Gjakovë, ka ngritur aktakuzë ndaj C.I, shtetas i Shqipërisë, i cili dyshohet për veprat penale “Vrasje e rëndë” dhe “Vrasje e rëndë në tentativë”, njofton Insajderi.
Ai dyshohet se më 7 korrik të vitit të kaluar në fshatin Bardhaniq të Gjakovës me dashje, ka privuar nga jeta N.M., në shtëpinë e tij, (burrin e kushërirës).
“Përderisa i ndjeri ishte në dhomën e gjumit, i pandehuri e merr në kuzhinë një thikë e një çekan hekuri, ku e përdorë për ta hapur derën e dhomës, dhe e godet atë me thikë disa herë në kokë dhe në pjesë të tjera të trupit, duke i shkaktuar lëndime vdekjeprurëse”, thuhet në njoftimin për medie të prokurorisë.
I dyshuari po ashtu e ka plagosur me thikë bashkëshorten e viktimës D.M (kushërirën e tij), dhe djalin e viktimës M.M.
Me këto veprime i pandehur ka kryer veprën penale “Vrasje në tentativë”./Insajderi.com
