Instituti Kombëtar i Shëndetësisë Publike të Kosovës ka njoftuar se gjatë 24 orëve të fundit, shtatë persona kanë humbur jetën si pasojë e infektimit me COVID-19, njofton Insajderi.
Në mesin e viktimave është një rast i moshës 19 vjeçare nga Mitrovica dhe një një rast nga Prizreni i moshës 31 vjeçare.
Gjatë 24 orëve të fundit, betejën me Coronavirusin e kanë humbur edhe pesë persona të tjerë.
“Brenda 24 orëve janë raportuar 7 raste të vdekjes me SARS CoV-2 pozitiv. Rastet e vdekjes janë nga komunat: Mitrovicë 2 raste (19, 77 vjeç), Pejë 2 raste (75, 76 vjeç), Istog 1 rast (70 vjeç), Prishtinë 1 rast (80 vjeç) dhe Prizren 1 rast (31 vjeç)”, thuhet në njoftimin e IKSHPK-së.
Gjatë kësaj periudhe në Kosovë janë konfirmuar 169 raste pozitive të infeksionit dhe 313 të shëruar./Insajderi.com
