Ministrja e Punëve të Jashtme dhe Diasporës, Donika Gërvalla, njoftoi se të enjten do të vizitojë Luginën e Preshevës, përcjell Insajderi.com.
Përmes një postimi në Facebook, Gërvalla tha se edhe pse me një ditë vonesë, do të vizitojë përfaqësuesit institucional dhe qytetarët e komunave në Luginë.
“Së bashku me prof. Rexhep Gjergjin jemi nisur drejt Bujanocit, ku do të takohemi fillimisht me kryetarin e kësaj komune, z. Nagip Arifi. Takime do të zhvillojmë edhe me përfaqësues të tjerë institucional në këtë komunë.
Gjatë ditës do të qëndrojmë edhe në Preshevë, ku do të takohemi edhe me kryetaren e komunës, znj. Ardita Sinani. Do të zhvillojmë takime me deputetë, përfaqësues të partive politike shqiptare dhe student”, njoftoi tutje Gërvalla.
Ndryshe, të mërkuren, Gwrvallws, nuk është i lejuar hyrja në Luginën e Preshëvës.
Për këtë, Ministria e Punëve të Jashtme në një përgjigje për SHQIP.COM, tha se “është lojë e autoriteteve të Beogradit”.
“Ne kemi kërkuar leje. Vizita ka dështuar për shkak të lojërave të pandershme të Beogradit. Vizitën do të përpiqemi megjithatë ta realizojmë në një datë tjetër”, thuhet në përgjigje./Insajderi.com
