![Një pjesë e Fushë Kosovës mbetet pa ujë](https://insajderi.com/wp-content/uploads/2021/06/uujj-730x440.jpg)
Kompania e Ujësjellësit Rajonal “KRU”, Prishtina, ka njoftuar për ndërprerje të ujit në një pjesë të Fushë Kosovës.
“Lagja Bresje” dhe një pjesë e këtij qyteti nuk kanë ujë.
Behët fjalë për një shpërthim në një gyp të ujit që ka sjellë edhe reduktimin.
“Sot, në orët e hershme të mëngjesit jemi detyruar të ndërpresim furnizimin me ujë të pijshëm për fshatin Bresje dhe një pjesë të Fushë Kosovës deri te rrethi i rrugës së ‘Pejës’. Arsyeja e ndërprerjes, shpërthimi i gypit të ujit me diametër fi 200 mm në mesnatë. Ekipet e mirëmbajtjes dhe operimit janë në vendin e ngjarjes, menjëherë pas dëmtimit të gypit dhe po merren me sanim. Furnizimi me ujë rikthehet menjëherë pas sanimit”, thuhet në njoftimin e “KRU” Prishtina. /Insajderi.com