Në Rusi ishte një prej hakerëve më në zë, dhe qeveria Ruse mbase ishte e shqetësuar se Burkov ka informacion më tepër sesa duhej rreth operacioneve të hakimit në vend.
Një haker rus veçanërisht i suksesshëm në anën e errët të historisë do të kalojë një kohë të mirë prapa hekurave në SHBA. Një gjykatës federal e ka dënuar me 9 vite burgim Aleksei Burkov, një prej drejtuesve kryesor të një forumi të elitës së krimit kibernetik, njofton Insajderi.
Mbi të rëndojnë akuza me deri në 15 vite burgim.
Forumi DirectConnection ishte shtëpia e hakereve ku mund të shisnin sende të vjedhura përsa kohë kishin një depozitë prej 5,000 dollarësh dhe mbështetjen e të paktën tre anëtarëve ekzistues të forumit.
Akuzat e ngarkuara Burkov kishin të bënin edhe me kontrollin e një uebsajte që shiste karta krediti të vjedhura me emrin Cardplanet. Mbi 20 milionë blerje të jashtëligjshme janë bërë duke përdorur karta krediti të vjedhura.
Burkov u arrestua në Izrael në 2015-ën dhe duhej të ishte ekstraduar në SHBA në 2017-ën, megjithatë Rusia e kundërshtoi këtë proces për disa vite.
Në Rusi ishte një prej hakerëve më në zë, dhe qeveria Ruse mbase ishte e shqetësuar se Burkov ka informacion më tepër sesa duhej rreth operacioneve të hakimit në vend.
Rusia dështoi në përpjekjen e saj ndërsa Burkov do të kalojë disa vite të mira në SHBA. /Insajderi.com
