Në Qendrën e Numërimit dhe të Rezultateve (QNR), sot në orën 10:00 do të fillojë rinumërimi i 35 vendvotimeve nga zgjedhjet për kryetar të Komunës së Dragashit dhe 3 vendvotimeve nga zgjedhjet për kryetar të Komunës së Rahovecit. Kurse më pastaj do të procedohet me numërimin e votave me kusht dhe me postë për Prishtinës dhe Prizrenit.
Komisioni Qendror i Zgjedhjeve (KQZ) ka bërë të ditur se, pastaj do të fillojë numërimi i votave me kusht, votave të personave me nevoja të veçanta dhe atyre me postë nga këto dy komuna.
Pas përmbylljes së këtyre dy komunave, do të fillojë me numërimin e votave me kusht, votave të personave me nevoja të veçanta dhe votave përmes postës nga zgjedhjet për kryetar të Komunës së Prishtinës dhe pastaj edhe të atyre për Komunën e Prizrenit.
Pra, në Qendrën e Numërimit dhe të Rezultateve do të procedohet sipas kodeve që kanë komunat, njoftoi KQZ./Telegrafi/
