Nushi PSD-së: 58 deputetët e Vetëvendosjes janë veç zero

Nol Nushi i Partisë Socialdemokrate, ka deklaruar se grupi parlamentar i Lëvizjes Vetëvendosje ka 58 deputetë, por të gjithë “janë zero”.

“Bash asnjë prej tyre nuk guxoi ta qelë gojën për veprimet e mbrëmshme autoritare të Kurtit. Të gjithë çfarë janë, aktivistë, profesorë, inxhinierë, aktorë e profitera, ulen kokën dhe ngritën duart”, ka shkruar Nushi në Facebook.

Të premten në Kuvendin e Kosovës ka pasur situatë dramatike.

Lëvizja Vetëvendosje kërkonte që të votohej plotësim-ndryshim i ligjit për Zgjedhje.

Opozita këtë e cilësonte si shantazh, për ta votuar Vjosa Osmanin si president. /Insajderi.com