![Osmani në Portugali: 23 vjet më parë ky vend u vendos në anën e duhur të historisë](https://insajderi.com/wp-content/uploads/2021/10/osmani-ne-portugali-730x440.jpg)
Presidentja Vjosa Osmani ka falënderuar Portugalinë, pasi forcat e armatosura të këtij shtetit 23 vite më parë i janë bashkuar intervenimit të NATO-s në Kosovë, e cila ishte në luftë duke mbrojtur territorin e saj nga Serbia.
23 vite më parë, sipas Osmanit, Portugalia është vendosur në anën e duhur të drejtësisë.
Këto deklarata ajo i ka bërë gjatë vizitës zyrtare në këtë shtet, ku është pritur nga ministri i Mbrojtjes, João Gomes Cravinho.
![May be an image of 2 people and people standing](https://scontent.fprn3-1.fna.fbcdn.net/v/t1.6435-9/249624931_426026972215181_142657218084268414_n.jpg?_nc_cat=103&ccb=1-5&_nc_sid=8bfeb9&_nc_ohc=bv9qH1ikrRQAX_rDWHZ&_nc_ht=scontent.fprn3-1.fna&oh=11b6167b483a6548f1f50d1f4a2cbf43&oe=61A0223E)
Vjosa Osmani dhe João Gomes Cravinho
“Sot e filluam ditën me pritjen nga forcat e armatosura të Portugalisë dhe Ministri i Mbrojtjes z.João Gomes Cravinho. 23 vjet më parë, pikërisht nga ky vend, këto forca u bënë pjesë e intervenimit të NATO-s, i cili pati për synim mbrojtjen dhe lirinë tonë”.
“Ata u vendosën në anën e duhur të historisë, në anën e të drejtës, në anën e lirisë si një e drejtë universale, në anën e mbrojtjes së një populli të tërë nga shfarosja nga një regjim tiranik. Në emër të popullit të Kosovës, përzemërsisht faleminderit!”, ka shkruar presidentja në profilin e saj në Facebook.
Presidenca ka njoftuar se Osmani ka udhëtuar për në Portugali të enjten. Sipas njoftimit, gjatë qëndrimit atje, do të takohet edhe me homologun e Potugalisë, Marcelo Rebelo de Sousa, kryetarin e parlamentit, Eduardo Ferro Rodrigues, ministrin e jashtëm Augusto Santos Silva, si dhe shefin e Forcave të Armatosura, admiral Silva Ribeiro./Insajderi.com