Dje kanë vdekur 16 persona të diagnostikuar me COVID-19 e sot 15.
Këto shifra vetëm brenda dy ditësh, duhet të jenë alarm për institucionet e Kosovës, ka thënë kryerparlamentarja, Vjosa Osmani, në një adresim përmes rrjetit social Facebook, njofton Insajderi.
“Dhimbja e tyre (familjarëve të viktimave) le të shërbejë si alarm për të gjithë për rrezikun e këtij virusi e në veçanti për institucionet që e kanë për obligim të mbrojnë jetën e qytetarëve”, ka shkruar Osamani.
Ajo ka ngushëlluar familjet e të gjithë viktimave nga COVID-19, duke pohuar se këto tragjedi familjare e kanë zëvendësuar gëzimin që do të duhej të ishte prezent për festën e Bajramit, në mërzi e vuajtje për humbjet.
“Ditët e festave janë ditë kur zotërojnë gëzimi e hareja, por sot, disa familje po i japin lamtumirën e fundit atyre që i deshën më së shumti. Lutem që Zoti t’ua lehtësojë dhimbjen në këto kohë të rënda e për humbjen e madhe jo vetëm për familjet por për gjithë shoqërinë tonë”, thuhet në postimin e kryeparlamentares në Facebook.
Këto vdekje, dhe infektimet e shumta që po njoftohen dita ditës, duhet të jenë kujdesa jonë që të respektojmë rregullat dhe masat e caktuar.
“Nëse u shkon mendja që për këtë Bajram t’i injoroni këshillat e mjekëve për festë nga distanca, ju lus mendoni për 227 familjet që sot kanë dhimbje për fëmijët, vëllezërit, motrat apo prindërit e tyre, të cilët i humbën për shkak të pandemisë”./Insajderi.com
