Instituti Demokratik i Kosovës (KDI) ka publikuar raportin “Pse qytetarët u detyruan ta blejnë vetë Remdesivirin? – Si dështoi Ministria e Shëndetësisë për të siguruar Remdesivirin për pacientët e prekur me Covid-19?”.
Agon Hysaj, nga KDI tha se qytetarët janë detyruar të blejnë vet terapinë kundër virusit, duke paguar 300 euro për një njësi.
Sipas tij, 135 pacientë kanë shpenzuar 267 mijë euro për blerjen e Remdesivirit.
“Në fillim kanë qene të plainfikuara një mijë e 320 njësi. Cmimi ka qenë 252 euro. Dy kompani janë ankuar në ministri dhe ankesat e tyre janë aprovuar pjesërisht. Me 22 dhjetor ministria ka anuluar tenderin sepse çmimi i rendesivirit ka rënë”.
“Qytetarët kanë vazhduar të blejnë vet këtë produkt ku çmimi ka qenë deri 300 euro për njësi. Kjo njësi ka mundur të blihet edhe përmes BE-së. Kur BE vendos të blejë produkt edhe Kosova mund të bëhet pjesë e prokurimit. Nuk ka ndonjë të dhënë që Kosova ka blerë direkt rendesivirin. Në shtator çmimi i rendesivirit kishte rënë dukshëm në 12 euro”.
Tryeza ku u publikua raporti “Pse qytetarët u detyruan ta blejnë vetë Remdesivirin? – Si dështoi Ministria e Shëndetësisë për të siguruar Remdesivirin për pacientët e prekur me Covid-19?”.
“Remdesivi është prodhuar nga kompania Helath Biotech nga India. Kosova nuk është në listën prej 127 vendeve për të cilat Gilead iu ka dhënë të drejtën disa kompanive. Vetëm në një repart klinike 135 pacientë kanë shpenzuar 267 mijë euro. Ligji për Luftimin e pandemisë thotë se të gjitha shpenzimet duhet të mbulohen në institucione. Përmes këtij ligji qytetarët janë dënuar. Qytetarët duhet të kërkojnë rimbursim për shpezimet jo vetëm për Remdesivir, por edhe barna”, tha ai.
Ish-ministri i Shëndetësisë, Armend Zemaj,ka folur për procedurat që kanë ndjekur për të porositur këtë lloj të barit.
Sipas tij, më shumë se 5 000 stoqe janë blerë nga ShBA në atë kohë ku oferta për blerjen e këtij bari ka qenë më shumë se 350 euro.
“Kjo ka histori interesante edhe të trajtimit dhe menaxhimit të pandemisë. Rendesviri si barnë për ndihmë të pacientëve është përmendur në fillim të pandemisë. Më shumë se 5 000 stoqe janë blerë nga ShBA në atë kohë”.
“Barnat që janë marrë në emër të terapisë janë çështje e klinicistëve. Në shtator pas licencimit të dhënies së lejes për import kanë filluar edhe ministria e Shëndetësisë në dërgimin e kërkesës, numrit është filluar procedurë për blerjen e rendesivirit. Oferta për blerjen e këtij bari ka qenë më shumë se 350 euro”.
Deputeti i PDK-së, Bekim Haxhiu, tha se edhe pse ministria ka arritur ta sjllë barin në Kosovë qytetarët e kanë blerë vet atë.
Prandaj sipas tij, duhet që t’u mundësohet rimburësimi.
“Në momentin që në protokoll në udhërrëfyes klinikë është futur bari Remdesivir dhe është përshkruar nga mjekët ministria nëse nuk ka arritur ta blejë është dashur të bëjë rimbursim dhe ftoj qytetarët që kanë blerë të aplikojnë për rimbursim”.
“Kur kam thënë që është, duke u vjedhur në thasë kufomave por edhe në barna. Bazuar në raportin e produkteve mjekësore nga agjencioni kosovar në vitin 2020 nuk evidentohet që në ka hyrë asnjë bari Remdesivir. Bazuar në raportin e auditimit shihet që pacientët e kanë blerë, por nuk ka informatë që një produkt i tillë është sjellë në Kosovë. Kërkesa ime është që pacientët të aplikojnë për rimbursim”.
Deputeti i AAK-së, Shemsedin Dreshaj, tha se në treg ka pasur produkte me prejardhje të paverifikuara.
Sipas tij, kostoja e trajtimit te secilit pacient çdo herë ka kaluar 3 000 euro.
“Po shihet se shëndetësia nuk ka qenë prioritet i vendit. Këtë vit kërkojmë rritje të cilësisë së shërbimeve. Kemi raste që barnat e blera nga ministria kanë efekte anësore. Duhet të bëni thirrje që të jetë kriter cilësia. Atëherë ka qenë në kuadër të Organizatës Botërore të sigurohet rendesiviri te format e rënda të sëmundjes. Ne jemi fokusuar në komplet implementimin e ligjit, por kemi mbet në nivel të vaksinave. Në treg ka pasur produkte me prejardhje të ndryshme të paverifikuara. Ne nuk e kemi pasur në klinikë Remdesivir”, tha Dreshaj.
Menjëherë pas bërjes publike të rasteve të para me virusin Corona në Kinë, ilaçi Remdesivir u vu në fokus. Ky ilaç i zhvilluar në luftë kundër infektimeve me Ebola kishte dhënë rezultate në laborator edhe kundër SARS apo viruseve Corona MERS – dhe dihet se, virusi i ri SARS CoV-2 është një varint i infektuesit SARS të vitit 2002. Nga ana tjetër Remdesivir i zhvilluar nga koncerni farmaceutik, Gilead Sciences si GS-5734 nuk është i lejuar zyrtarisht në asnjë vend. Ai përdoret megjithatë në kuadër të një lejeje të posaçme emergjence (EUA) dhe në shumë vende në kuadër të studimeve klinike. Gliead Sciences i ka dhënë këtij ilaçi këtë vjeshtë emrin Veklury.
Studimi i parë klinik u zhvillua në maj 2020 në SHBA me rezultate pozitive, gjë që çoi në dhënien e lejes së emergjencës nga Autoriteti Federal i Ilaçeve, FDA në SHBA. Që nga kjo kohë Remdesivir lejohet të përdoret tek pacientë të veçantë që kanë zhvilluar sëmundjen e mushkërive Covid-19.
Në 15 tetor 2020 Organizata Botërore e Shëndetësisë, OBSH publikoi një studim paraprak të papërfunduar nga Peer-Review (Manuskriptet studimore kalojnë nëpër një proces të brendshëm ose të jashtëm të pavarur përmes ekspertizave të ndryshme për cilësinë e studimit, ku bëhen kritika apo korrigjime që duhen marrë parasysh deri në përfundimin e studimit, shën.red.) lidhur me Remdesivir, MedRxiv.
Aty thuhet, se ky ilaç e ul shumë pak vdekshmërinë e pacientëve.
Studimi ka dalë si rezultat i të ashtuquajturit SOLIDARITY Trial, ku janë vlerësuar të dhënat e më shumë se 11.266 pacientëve./Insajderi.com
