fbpx

Paga që përfiton ambasadori i Kosovës, i cili ka profil prej mashtruesi

Paga që përfiton ambasadori i Kosovës, i cili ka profil prej mashtruesi

Gjergj Dedaj u emërua ambasador i Kosovës në Maqedoni në muajin nëntor të vitit të kaluar, edhe pse kundër këtij emërimi kishin dalë organizata e parti politike në shtetin fqinj të Kosovës.

E prej asaj kohe, Dedaj përfiton rreth 3500 euro në muaj nga Ministria e Punëve të Jashtme për punën si Ambasador i Kosovës.

Në deklarimin e pasurisë në Agjencinë Kundër Korrupsion, Dedaj ka deklaruar se posedon veturë në vlerë gati 20 mijë euro.

E profili i Dedajt nuk është pozitiv. Ai njihet për të bëmat e tij në të kaluarën.

Gjatë vitit 2010, ai ishte shkarkuar nga pozita e zëvendësministrit në Ministrinë e Transportit, nga ish-kryeministri Hashim Thaçi, nën dyshimin se ka keqpërdorur paratë e Ministrisë së Punës, në kohën sa në këtë dikaster mbante pozitën e zëvendësministrit.

Dedaj dyshohej se brenda një periudhe prej 11 muajve, kishte shfrytëzuar 33 mijë euro nga kredit-kartelat e Qeverisë dhe mbi 8 mijë euro të tjera për avance pa mbulesë.

Profili prej mashtruesi i Gjergj Dedajt

Dedaj ka edhe histori të tjera për mos shlyerje të borxheve.

Në vitin 2012 ai është paditur nga një qytetar për shkak se i ka mbetur borxh disa mijëra euro për banesën që ai e kishte shfrytëzuar si zyrë në sheshin Nënë Tereza në Prishtinë.

Gjergj Dedaj është themelues i Partisë Liberale të Kosovës. /Insajderi.com