Policia e Kosovës në koordinim me Prokurorinë e Shtetit kanë zhvilluar një aksion nëpër disa qendra ku mbahen provimet për patentë shofer.
Zëdhënësi i policisë Daut Hoxha, e ka konfirmuar për Insajderin këtë aksion.
Raportohet se deri tash janë arrestuar rreth 20 persona, duke përfshirë edhe zyrtarë të Ministrisë së Infrastrukturës.
Vetë ministri i Infrastrukturës, Pal Lekaj ka thënë se nuk është në dijeni për aksionin e Policisë së Kosovës.
“Ne nuk kemi informacione ende për atë se çfarë ka ndodhur sot. Megjithatë unë e kam ripërsëritur disa herë se Ministria është e hapur për organet e drejtësisë, por pres që ajo të shkoj deri në fund”, ka thënë Lekaj.
