Pamje nga momenti kur Haradinaj dhe Krasniqi hyjnë për intervistim në Gjykatën Speciale

Kryeministri në dorëheqje Ramush Haradinaj dhe kryetari i Këshillit Kombëtar të Nismës Socialdemokrate, njëherësh ish-kryetari i Kuvendit të Kosovës, Jakup Krasniqi sapo kanë hyrë në objektin e Gjykatës Speciale, që të intervistohen nga prokurorët e Dhomave të Specializuara, në Hagë.

Ende nuk ka të dhëna se në çfarë cilësie do të merren në pyetje Haradinaj dhe Krasniqi nga prokurorët e Gjykatës Speciale.

Ndërkohë, të martën është intervistuar ish-komandanti i UÇK-së, Shukri Buja.

Sipas raportimit të RTV Dukagjinit, Buja nuk ka dashur t’u përgjigjet pyetjeve të prokurorit, si dhe intervistimi i tij ka zgjatur 1 orë e 30 minuta.