Papa Francesku është sensibilizuar me qytetarët e prekur nga tërmeti i fuqishëm që goditi Shqipërinë. Gjatë përshëndetjes nga sheshi Shën Pjetri në Vatikan, Papa ka shprehur ngushëllimet për familjarët e viktimave që humbën jetën nga tërmeti katastrofik.
“Dua të përshëndes dhe të shpreh afërsinë time me popullin e dashur shqiptar, i cili ka vuajtur shumë këto ditë. Shqipëria ka qenë vendi i parë në Evropë që kam dashur të vizitoj. Unë jam pranë të prekurve, lutem për viktimat, për të plagosurit dhe për familjet. Zoti e bekoftë këtë popull të cilin e dua shumë”, është shprehur Papa Francesku gjatë lutjes së mëngjesit.
Nga tërmeti me magnitudë 6.4 i shkallës Rihter që goditi Shqipërinë një ditë më parë, kanë humbur jetën dhjetra persona dhe janë plagosur qindra. Durrësi dhe Thumana janë dy zonat më të prekura, ku u rrëzuan pallate dhe ndërtesa të tjera.
Forca të ekipeve të emergjencës nga vendet e Ballkanit, por dhe shtete të tjera, kanë ardhur në Shqipëri për të ndihmuar në misionet e kërkim-shpëtimit të personave të bllokuar nën rrënojat e gërmadhave. /tvklan.al
La vicinanza di Papa Francesco al popolo albanese
La vicinanza di #PapaFrancesco al popolo albanese: "L'Albania è stato il primo paese d'Europa che ho voluto visitare, sono vicino alle vittime, prego per le famiglie, il Signore benedica questo popolo al quale voglio tanto bene"
Gepostet von Tv2000 am Mittwoch, 27. November 2019
