Komisioni për të Drejtat e Njeriut, me organizatat “Save the Children” dhe “Syri i Vizionit”, në sheshin e Prishtinës kanë organizuar marshin sensibilizues “Papuçja është për t’u veshë, jo për të goditë”.
Ky marsh është pjesë e fushatës për ndalimin e ndëshkimit trupor dhe dhunës ndaj fëmijëve, që ka për qëllim rritjen e vetëdijesimit të prindërve dhe të rriturve për pasojat që ka ndëshkimi trupor dhe përdorimi i dhunës, dhe ushtrimi i dhunës me papuçe.
Fushata e Ndalimit të Ndëshkimit Trupor dhe Dhunës ndaj Fëmijëve “#Rrite me Dashni”, realizohet në kuadër të programit tematik në fushën e mbrojtjes së fëmijëve dhe qeverisjes me të drejtat e fëmijëve “Detyrimi ynë për të Ardhmen-Mbrojtja e Fëmijëve dhe Qeverisja e të Drejtave të Fëmijës”.