Në Kosovë, ditën e enjte parashihet të mbajë mot i vranët.
Instituti Hidrometeorologjik i Kosovës ka njoftuar se në territore të ulëta do të ketë mjegull ndërsa nuk është parashikuar të ketë reshje shiu.
Temperaturat minimale do të lëvizin ndërmjet 1-2 gradë Celsius, ndërsa maksimalet e ditës parashihen të lëvizin ndërmjet 6-8 gradë Celsius.
“Të enjten nuk parashihen reshje pos ndonjë rigë e izoluar. Në shumë territore të ulëta do të ketë mjegull si pasojë e ndryshimit të temperaturave në stadet e ulëta të troposferës.” thuhet në një postim në Facebok të IHMK-së.
Kurse parashihet se do të fryjë erë nga drejtimi i jugperëndimit me shpejtësi 1-5m/s./Insajderi.com
