Parlamenti i Katalonisë e shpalli pavarësinë nga Spanja.
Ky veprim u mbështet nga një votim 70-10 të bojkotuar nga deputetët e opozitës,
Kryeministri i Spanjës, Mariano Rajoy, bëri thirrje për qetësi dhe tha se sundimi i ligjit do të rikthehet në Katalonjë.
Më herët, Rajoy u bëri thirrje senatorëve të miratojnë sundimin e drejtpërdrejtë mbi Katalonjën.
Ai tha se dëshiron të shkarkojë liderin katalans, zëvendësin e tij dhe ministrat rajonalë.
Këtë muaj, Katalonja ka mbajtur referendum për pavarësi, të cilin Madridi e ka shpallur jokushtetues.
Rajoy tha se kërkon masa të jashtëzakonshme, sepse nuk ka zgjidhje tjetër dhe se në Katalonjë duhet të kthehet “ligji, demokracia dhe stabiliteti”.
Ai akuzoi Qeverinë e Katalonjës për ndarje të familjeve dhe përçarje të shoqërisë.
