Nënkryetari i Lëvizjes Vetëvendosje, Glauk Konjufca, ka thënë se partia e tij ka dy plane përpara: luftimin e Koronavirusit dhe zgjedhjet.
“Për Vetëvendosjen janë dy plane përpara: e para është shëndeti i qytetarëve, derisa të kalojmë këtë pandemi, e dyta janë zgjedhjet, në mënyrë që qytetarët të mund të na vlerësojnë të gjithëve”.
“Albin Kurti vlerësohet se si ka performuar si kryeministër, vlerësohet si e ka shkarkuar Veliun, e LDK-ja se ka hyrë në koalicion dhe e ka rrëzuar Qeverinë. Vetëvendosje dëshiron kalimin e situatës së koronavirusit. E pas kësaj menjëherë zgjedhje”, ka thënë Konjufca në KTV, transmeton Insajderi.
Ai ka shtuar se ende qëndron që Vetëvendosje s’bën koalicion me PAN-in.
“Ato mundësi tash janë 100 për qind, e kjo është në diskrecionin e Vetëvendosjes. Ato mundësi janë duke filluar me LDK-në e me partitë e tjera. Në interes të Kosovës nuk ka qenë interes të bëhet koalicion me partitë e PAN-it dhe mendoj se ky qëndrim nuk ka ndryshuar”.
“Në këto kushte do të thosha se opsioni më i mirë është luftimi i suksesshëm i koronavirusit dhe zgjedhjet. Mirëpo, ne do të veprojmë sipas rrethanave”./Insajderi.com
