Ka përfunduar takimi midis liderëve të koalicionit qeverisës, njofton Insajderi.
Mirëpo, pas këtij takimi, për media është deklaruar vetëm kryetari i Nisma Socialdemokrate, Fatmir Limaj.
Kreu i Nismas tha se takimi ishte i rregullt ani pse pas një kohe të gjatë, pasi që sipas tij kryeministri ka pasur problem me Covidin.
Por, për gazetarë asnjë fjalë nuk e tha edhe kryeministri i Republikës së Kosovës, Avdullah Hoti.
Ndryshe, gjatë këtij takimi mendohet të ketë pasur përplasje, që lidhen edhe me paknaqësitë dhe deklaratat e liderit të AAK-së, Ramush Haradinaj dhe ndryshimet e fundit politike mes NISMA-s dhe AAK-së. /Insajderi.com