Kryetari i Kuvendit të Kosovës, Kadri Veseli ka gjetur kohën që të tregojë gojëdhëna lidhur me veprimtarinë e poetit shqiptar, Lasgush Poradecin, në seancën e Kuvendit të Kosovës të hënën.
Pasi u përplas verbalisht me deputeten e Lëvizjes Vetëvendosje Drita Millakun, Veseli e mbylli krejt debatin me deputeten e VV-së duke treguar një gojëdhënë.
Por, personazhit kryesor të kësaj gojëdhënë, poetit Lasgush Poradecit, nuk ia shqiptoi emrin dhe mbiemrin edhe aq mirë. Mbiemrin e poetit “Poradeci”, ai e ngatërroi me qytetin nga Shqipëria, Pogradecin.
“Lasgush Pogradecit i thonë me shkru një poezi, partia, komiteti, në atë kohë. I thonë ‘shkruje një poezi për atë tunelin që shkon për Pogradec’; pasi e shkroi ai, komesari politik i tha: ‘S’ke shumë i kënaqur’. Dëgjo, unë po mundohna goxha shumë me rujt dinjitetin, edhe timin edhe të juajin, por ruane edhe ju ngapak të juajin edhe timin. Kjo është për fund për arsye se të gjithë jemi qenie njerëzore”, ka thënë Veseli.
Fjalimin e Veselit mund ta dëgjoni në linkun e mëposhtëm, në minutën -2:25:05
